ඉන්දියාව සහ ඔස්ට්‍රේලියාව අතර පර්ත් හි පැවති පළමු ටෙස්ට් තරගය ලකුණු 295කින් ජය ගැනීමට සංචාරක ඉන්දීය කණ්ඩායම අද (25දා) සමත් විය.
තරගය ජයග්‍රහණය සඳහා ලකුණු 534ක ඉලක්කයක් හඹා ගිය ඔස්ට්‍රේලියා කණ්ඩායමල තරගයේ සිව්වන දිනය වන අද ලකුණු 238කට සියලු දෙනා දැවී ගියේය.
මෙම තරගයේ පළමුව පන්දුවට පහරදුන් ඉන්දීය කණ්ඩායම සිය පළමු ඉනිමට ලකුණු 150ක් රැස්කළ අතර ඊට පිළිතුරු ලෙස ඔස්ට්‍රේලියානු කණ්ඩායම සිය පළමු ඉනිම සඳහා ලකුණු 104කට දැවී ගිය අතර ඉන්දීය කණ්ඩායම සිය දෙවැනි ඉනිම සඳහා කඩුලු 6ක් දැවී ලකුණු 487ක් ලබාගැනීමට සමත් විය.
ඒ අනුව තරග 5කින් සමන්විත තරගාවලියේ පෙරමුණ ගැනීමට ඉන්දීය කණ්ඩායම සමත් විණ.